أمسيات الحسن حسن حلمي

 أمسيات الحسن.                               .3/ 7/ 2022

                           ( احلا حاجه فيها )

                                              بقلم الشاعر : حسن حلمى 

احلا حاجه فيها

                    ابتسامه

                         بنور عيونها لما كنا

                                              عيال بنحبى 

ولا لما كنا

             نخبط البيبان

                           ونجرى

                           فى وسط سلم نوره مطفى 


احلا حاجه فيها

                   لما كنا

                        بنبقى

                             لمه جوه تشط بنستحمى 

ولا لقمه حلوه

                   لما كنا

                   نتقاسمها فى يوم ما بينا 

                                   وكله يجرى يستخبى 


احلا حاجه فيها 

                  لما كنا

                      عيال بنلعب

                           يوم عريس ويوم عروسه

                                      والقلوب 

                                 صافيه و نضيفه 

آه و آه زمانا

                 لما كنا

                     بكلمه حلوه

                                 ننسى كل حاجه بينا


احلا حاجه فيها

                    لما كنا 

                     كتير بنضحك وتلاقينا نبقى لمه


لما حد فينا يفرح


                  بتلاقينا 

                    قوام بنفرح

                  نحضنه ونبوس خدوده نضم ضلعه

                                فى وسط زحمه


ولا حضن صافى

                  دافى 

               يضم قلبك

                         وقت حزنك قبل دمعة عين

                                       ما تنزل

والأيدين تبدء

                  تسلم

                      تلمسك وتحس انك عمر يوم

                               ما تكون لوحدك

فيها حاجه حلوه


                    فيها ضحكه

                              وفيها لمه

                                      وفيها غنوه

                            وفيها ناس بالعين تسلم

سلمولي

           على الحبايب

                           كل غايب

                                    أو مغرب

                              أو يكون ساكن بلادي

سلمولي

       على اللى غالى

                          ونبضه ساكن جوه قلبي

                            مهما بتعدى الليالي

صدقوني

         كتير بحسه

                 لما يبعد

                        أو يقرب

                          أو يكون الحزن ساكن

                                 بين ضلوعه بالليالي 


احلا حاجه فيها 

                  ضحكة الغايب

                              بشوفتي

                          لما يتأمل بصورتي يقول

                                     وحشنى

                        بقلم الشاعر : حسن حلمى


تعليقات

إرسال تعليق

المشاركات الشائعة من هذه المدونة

زهرة القصيد //أصدقاء الملتقى //فؤاد زاديكي

صورة
 أصدقاءُ المُلتَقَى شعر/ فؤاد زاديكى ها هُنا يا أصدقائي ما نَرَاهُ ... مُلْتَقَى أُنْسٍ على طِيبٍ نَدَاهُ نَطرَحُ الأفكارَ والإحساسُ يُعطي ... دَفْعَةً مِنْ روحِهِ يَصفُو مَدَاهُ في تَعَاطٍ فاعِلٍ يحنُو بِلِيْنٍ ... دَأبُهُ الإنسانُ إذْ هَدْيًا هَدَاهُ مِنْ هُنَا نَصٌّ ونَصٌّ مِنْ هُناكَ ... شاعِرٌ يَرْقَى بِما خَطَّتْ يَدَاهُ إنّنا في منطقِ الأشياءِ نَسعَى ... والتّمَنِّي صارَ مَسْمُوعًا نِدَاهُ نَلْتَقِي مِنْ أجلِ نَفْعٍ في عَطاءٍ ... رَغبَةً مِنّا ليَحْلُو مُبْتَدَاهُ اِفْتَحُوا أبوابَكمْ, اِسْتَقْبِلُونَا ... في حِماكُمْ لا تُجِيْزوا ما عَدَاهُ ها هُنا بَيتٌ لنا والسّقْفُ حُبٌّ ... وانسِجامٌ كلُّ ما فِيْنَا فِدَاهُ أصدقائِي أُنْشُرُوا عِطرَ انْفِتاحٍ ... اِسْتَجِيْبُوا عندما يحلُو صَدَاهُ كي يكونَ اليُمْنُ والتَّوفيقُ في ما ... يَبْتَغِي كُلٌّ وفي هذا دَوَاهُ.
قراءة المزيد

زهرة القصيد.. اعتراف.. عبدالله السايح

صورة
 .............(إعتراف) ............ أيوه بحبك وأنكر ليه وانت الفرحه ياأجمل فرحه وحلم حلمته وماسك فيه إنت الدنيا ياأجمل دنيا إنت الضلع وما يحو يه إنت العمر ياعمر العمر إنت نهاره مع لياليه إنت الكلمه الحلوه تملى اللى تدوب يوم مآسيه يااللى عيونك أجمل خمر لما شربته لاقيت معانيه جوه القلب فى صورة أمر إن غرامك لاذم ألاقيه إن حنانك يعنى الحب مركب عمرى اللى تخليه يمشى وعارف كل الدرب ولايوم جاى يتوه معانيه أيوه بحبك وانكر ليه وانت الشط اللى أرسى عليه إنت حياتى وكل حياتى قمرى ولاذم أجرى عليه ,,,,,,,,,شعر ,,,,,,,,,,, .....عبدالله السايح ,,,,,
قراءة المزيد

إنفصال (168) .......... طول عمري عايش ليل طويل من دار لدار لا الشمس عايزة تبص لي ولا جاه النهار حيران مابين أحضان قسى ونسيم حزين تايه ما بينهم فين أنا من صف مين ما الحزن علم بالألم خطين جروح دوقني قسوة دي ل ده وعذاب لروح لا قدرت أعيش بالشكل ده لجحيم هروح أقرب ما ليك بيوجعك بكاك سنيين ودفعت عمرك كان تمن عايش يتيم مسجون لصمتي ما فيش أمل يلقى الوصال ما الكل عايش دنيته وأنا فرع مال ما حياتي لحظه وهدها حلفان يمين ووردها طرحت عندي أنا أشواك آنين لا الأم حاضنه بسمتي ولا أيد حنان والأب كاره شكويتي وعناده بان ما الكل عايش دنيته في هناه ووصال وده مين هيمسح دمعتي ونصيبي مال وذنبي أيه أدفع فاتورة لإنفصال ما الأب والأم السبب في الاختيار بقلم .. صبري رسلان

صورة
 
قراءة المزيد