ضميتك عبد الستار العلي

 الشاعر الكبير عبدالستار العلي 

اداء علي حنون حسن

( ضميتك) 

ضميتك فرح وي الحزن مديوف

ودفيتك بحضني وحنوة ضلوعي

غنيتك عتاب بلا وتر تعبان

حسراتي علن وليحجن ادموعي

ما هزك دليلك وانتخالك طيف

بصفنة ليل تسمع ونتي ولوعي

وطارت بيك صفنه ورجعاك الحال

وذكرت ايام ريعي تهيم بربوعي

صورك بالسواجي وعل الجتاف اجدام

من تضحك جنت ويعلكن اشموعي

نياشنك رمل ضاعن بجتف 

الماي

بملط الروج ذبان والهو يفوعي

غطينه المضه بمعاتب الجلمات

ياعطش السنين الما شبع جوعي

يالكاسك ضماي 

ويروي اللهفان 

ارشفني بهواك وهدي من روعي

الاستاذ عبد الستار العلي

جنت كاسي بظمه وكتي وريعاي

ولا صدك مطر عني وره عاي

اشكثر احفظ مودتكم وراعي

اشبده مني وگطعت الوصل بيه