تسمحلي أقولك وحيد محروس

 ((تسمحلي أقولك ))


تسمحلي أقولك 

                 إنك مغرور 

وظالم لناسك وأناني 

وإن بكرة هيجي 

                   عليك الدور 

وإسمعها كلمة 

                    على لساني 


            *******


الدنيا مش قوة وعافية 

ولا حتى بظلمك للعباد 

بالحب والكلمة الدافية 

تلاقي الخير من حولك زاد 


               *******


والدنيا مش بس مناصب 

ولا ناس بتتحكم في ناس 

حب الناس برضو مكاسب 

والحب مش بالكلام وخلاص 


             *******


بص لنفسك وشوف روحك 

لو يوم الدنيا جارت عليك 

مين إللي هيداوي جروحك

إرحم عذابنا الله يخليك 


            *******


كفاية حرام دي الناس أعذار 

وخاف من دعوة المظلوم 

دا ربك عالم بالأسرار 

ومفيش حال أبداً  بيدوم 


             *******


راعي ربك وما تفتريش 

أخرتها موت وقبر وعذاب 

وعيش يابن أدم مهما تعيش 

مسيرك راجع تاني للتراب 


             *******


جاه الدنيا رايح لزوال 

ولا بيفضل غير عمل الخير 

وزيي ماربك في كتابه قال 

كان الإنسان على نفسه بصير 


              *******


تسمحلي أقولك 


بقلمي الشاعر/ وحيد محروس


تعليقات

إرسال تعليق

المشاركات الشائعة من هذه المدونة

زهرة القصيد //أصدقاء الملتقى //فؤاد زاديكي

صورة
 أصدقاءُ المُلتَقَى شعر/ فؤاد زاديكى ها هُنا يا أصدقائي ما نَرَاهُ ... مُلْتَقَى أُنْسٍ على طِيبٍ نَدَاهُ نَطرَحُ الأفكارَ والإحساسُ يُعطي ... دَفْعَةً مِنْ روحِهِ يَصفُو مَدَاهُ في تَعَاطٍ فاعِلٍ يحنُو بِلِيْنٍ ... دَأبُهُ الإنسانُ إذْ هَدْيًا هَدَاهُ مِنْ هُنَا نَصٌّ ونَصٌّ مِنْ هُناكَ ... شاعِرٌ يَرْقَى بِما خَطَّتْ يَدَاهُ إنّنا في منطقِ الأشياءِ نَسعَى ... والتّمَنِّي صارَ مَسْمُوعًا نِدَاهُ نَلْتَقِي مِنْ أجلِ نَفْعٍ في عَطاءٍ ... رَغبَةً مِنّا ليَحْلُو مُبْتَدَاهُ اِفْتَحُوا أبوابَكمْ, اِسْتَقْبِلُونَا ... في حِماكُمْ لا تُجِيْزوا ما عَدَاهُ ها هُنا بَيتٌ لنا والسّقْفُ حُبٌّ ... وانسِجامٌ كلُّ ما فِيْنَا فِدَاهُ أصدقائِي أُنْشُرُوا عِطرَ انْفِتاحٍ ... اِسْتَجِيْبُوا عندما يحلُو صَدَاهُ كي يكونَ اليُمْنُ والتَّوفيقُ في ما ... يَبْتَغِي كُلٌّ وفي هذا دَوَاهُ.
قراءة المزيد

زهرة القصيد.. اعتراف.. عبدالله السايح

صورة
 .............(إعتراف) ............ أيوه بحبك وأنكر ليه وانت الفرحه ياأجمل فرحه وحلم حلمته وماسك فيه إنت الدنيا ياأجمل دنيا إنت الضلع وما يحو يه إنت العمر ياعمر العمر إنت نهاره مع لياليه إنت الكلمه الحلوه تملى اللى تدوب يوم مآسيه يااللى عيونك أجمل خمر لما شربته لاقيت معانيه جوه القلب فى صورة أمر إن غرامك لاذم ألاقيه إن حنانك يعنى الحب مركب عمرى اللى تخليه يمشى وعارف كل الدرب ولايوم جاى يتوه معانيه أيوه بحبك وانكر ليه وانت الشط اللى أرسى عليه إنت حياتى وكل حياتى قمرى ولاذم أجرى عليه ,,,,,,,,,شعر ,,,,,,,,,,, .....عبدالله السايح ,,,,,
قراءة المزيد

إنفصال (168) .......... طول عمري عايش ليل طويل من دار لدار لا الشمس عايزة تبص لي ولا جاه النهار حيران مابين أحضان قسى ونسيم حزين تايه ما بينهم فين أنا من صف مين ما الحزن علم بالألم خطين جروح دوقني قسوة دي ل ده وعذاب لروح لا قدرت أعيش بالشكل ده لجحيم هروح أقرب ما ليك بيوجعك بكاك سنيين ودفعت عمرك كان تمن عايش يتيم مسجون لصمتي ما فيش أمل يلقى الوصال ما الكل عايش دنيته وأنا فرع مال ما حياتي لحظه وهدها حلفان يمين ووردها طرحت عندي أنا أشواك آنين لا الأم حاضنه بسمتي ولا أيد حنان والأب كاره شكويتي وعناده بان ما الكل عايش دنيته في هناه ووصال وده مين هيمسح دمعتي ونصيبي مال وذنبي أيه أدفع فاتورة لإنفصال ما الأب والأم السبب في الاختيار بقلم .. صبري رسلان

صورة
 
قراءة المزيد