توبة وهداية عبدالله السايح

 ......(توبة وهداية).......

فيروس ملوش لازمة

مشانا بالجزمة

ميت مفهش حياة

عمل لنا الأزمة

مخلوق في جند الله

بيجينا في النسمة

بعد اللي كان م الناس

والفٌجر مالي الكاس

والقتل ماله أساس

والظلم كان قسمة

وخيانة في المقادير

حتى الزنا تصوير

وضمير مايزرع خير

واترسمت البسمة

توهه في جنة ونار

قرآن لحفظ الدار

والكل يسعى دمار

والخير وله خصمه

حتى الميراث بالصوت

ياخده اللي يبقى طاغوت

والأب قبل الموت

على مالة ضاع إسمه

البنت محرومه والابن بالشومة

والأم مكلومة

ونقسم القسمة

الابن يضرب ابوه والأخ يقتل اخوه

ولاحد قال ربوه

والبيت مالوش عصمة

والدنيا صابها العجب

والدين بقى يتحجب

شعبان مايعرف رجب

رمضان مابنصومه

إلحاد وع  الشاشة

تلحد  تكون. باشا

والدين في كماشة

وأصحابه بيعوموا

بقى للضلال  مفتي

في القتل كان يفتي

والكل اسمه شهيد

محفور على هدوموا

والجنة لها مفاتيح

وشيوخ تبيع وتبيح

والديك ماعاد بيصيح

غرقان بقى ف نوموا

والفجر يحضن  ريح

ماخلاص مافهش فصيح

كل الدجاج تصاريح

ع  الظلم بيحوموا

لازم يكون لنا يوم

في الظهر نلقى نجوم

يوصل لنا المعلوم

علشان في عز النوم

يمكن بقى يقوموا

ونشوف بقى ضعفنا

نعرف كمان ربنا

نحمد ومن قلبنا

ربك وبيحبنا

بين لنا خصومه

نرفع بقى الرايه

نرجع له نترجى

وتوبة وهدايه

ياحظه مين عدى

ولا بص في مرايا

الموت ولا يهدأ

فيروس وله آية

وعلاجة تتوضا

وتقول يامولايا

........(شعر)........

     عبدالله السايح