اختلفنا
إهداء لبطلة القصة وصاحبة الفكرة
.......(إختلفنا)........
إختلفنا مين فينا بيحب اكثر
وكل يوم في المقابلة
الاختلاف بيذيد ويكبر
قالت حبك انت قلبي شايله
قلت انا شايله وبسهر
قالت معايا النجم طايله
قلت ليلي معاك بيقصر
لومسكت النجم مرة
أرسمك شمسة وتكبر
تنوري كل المجرة
والزهر يخضر ويٍزْهٍر
والأرض يبقى ليها درة
والتاج على راسك أجمل
مين بقى بيحب أكتر
قالت معايه تشم وردة
لو بعيد روحك وشاردة
إعترف وبلاش معانده
ان انا اللي بحب أكتر
قلت انا المطر اللي بيسقي وردتك
انا الأرض اللي فيها نبتتك
قلت انا الروح اللي بيها سعدتك
تبقي وردة بيها اعطر
كل عمري وعمري يكبر
مين بقى بيحب اكتر
قالت كنت ارض بس رافضة تتزرع
كنت مطرة بس ماتسقي الزرع
كنت صحرة فيك أخضًَر
مين بقى بيحب اكتر
قلت انا وحدي المحيط
وانت بحر في ابحره
من عطائي ليك سيط
يعني مياهي مصدره
حبي انا من غير وسيط
شمسي انا بتبخره
يبقى مين بيحب اكتر
قالت انا شط المحيط
يعني وحدي احصره
لو فتحت بس إيد
تاخد مياهك انهره
يعنى انا فيك الوريد
وانت دم اَسَيَرُه
يعني انا فيك الوليد
صعب يوم هتْغَيَرُه
مين بقى بيحب اكتر
والغرام بيذيد ويكتر
قلت انا وحدي الرياح
اللي تعطيكِ الحياة
واللي خليتلك مباح
تملكي حتى هواه
وف هوايا مفيش جراح
فرح خالي مافهش آه
من غير هوايا نواح ويكبر
مين بقى بيحب أكتر
قالت انا وحدي الفضا
اللي فيه يجري هواك
واللي يعمل لك صدى
يبقى الهوى وحده ف سماك
من عندي يبقى المدا
يعني انا فلتر هواك
اللي بدونه اكيد هتعطل
مين بقى بيحب اكتر
وانا من رضايا تكبر
قلت انا مركب وفيها رحلتك
ملكك وفيها قصتك
حتى القلم عمر مايكتب قسوتك
عايشه ماشوفتي محنتك فيها بتكبر
مين بقى بيحب اكتر
قالت انا دفة توجه خطوتك
بوصلة بترسم سكتك
مجدافي يبقى كلمتك
كل الخطاوي خطوتك
لكن تتوه لو حبي يصغر
مين بقى بيحب اكتر
قلت انا الكلمة وشٍعرها وحروفها
وحدي انا يرسم ظروفها
إرسمك ملكه بطروفها
وبالحروف معاك أقرر
مين بقى بيحب اكتر
قالت انا النقطة اللي بتظبط حروفك
انا الضمة اللي بتمحي بيها خوفك
انا الورقة اللي ديمافيها تسطر
مين بقى بيحب اكتر
قلنا بالصوت والسكوت
الحب شجرة واحنا الجزور
محتاجنا نحميه بالصدور
كل يوم نبني القصور
نسقي الغرام كل في دور
نرويه محبة ونزرع زهور
مش مهم مين فينا اكتر
المهم يعيش ويكبر
يعني انا وانت نكتر
من كل شئ في الحب يحصل
...............(شعر).................
عبدالله السايح
تعليقات
إرسال تعليق