طريق العشق عبدالله السايح

 ...........(طريق العشق)..............

سنين عدت وانا نفسي ألاقي الحب

كتير عدوا ولا مرة ودق القلب

وقلت يا رب انانفسي ومحتاج له

وخايف عمري بيعدي ولامرة لقيت الدرب

سنين فاتت ونفس الشكوى ألاقيها

ألاقي الروح وفيها جمال معانيها

تفتح ضلوعها وتاخد روحي حواليها

وتتحمل غرامي صب

ألف الكون وقلبي يشوف كتير م الناس

ألاقي كتير من الغرام وخلاص

ووجع الحب متداري ولكن يكشفه وسواس

أخاف وارجع ولكن مشاعري تهب

رياح تجري تلف الكون

واحس بقلبي انا المجنون

على شطة زهور وزتون

انا المحتاج لحضن يدب

عاشق انا والعشق بياخدني

بعد سنين الضيق يبص ويكيدني

يفرجني على أحضان بتترمى

على احلام رافضة حتى تستنى

على براويز تملي اشوفها تحسدني

لكن إيمان الحب بيخدني

يقول لي هناك هتسعدني

مناظر صعبة تبعدني 

لكن إصراري ألاقي قلب 

اقول وادعي أشوف الحب

وصدفة تاخدني من نفسي

حروفي تقول لي دي إرسي

حروفها تاخدني في حكاية

واحث بأرضي من ورثي

روحها  تملي  ويايا

وبحروفها يدور ترسي

يدق القلب بهوايا

وتاه العقل عن رأسي

حروفها شعاع لدنيايا

وفي الأجرام بعيد شمسي

وزل لساني بحروفي

 على قمري وكنت امسي

على سطحة رسمت حروفي.. ماتشوفي!

قالت عشقانه من أمسي

نجومي عقد في كفوفي

رسمت الحب من همسي

عشقت وروحي من خوفي

عشقت خلاص مابنامشي

ماشوفتش نظرة في رفوفي

ولا صوتها غازل رمشي

لكن في العشق موصوفي

كفايه الروح معاه أمشي

وقلت لروحي روحي طوفي

كفاية الروح ميناء وارسي

...........(شعر)...............

   عبدالله السايح